👊 講真，每年一到呢個時候，我哋 Travel Mama 嘅足球票務 team 就會開入「全速衝線」模式。因為一班瘋狂粉絲（你哋！）已經開始每日 DM 問：「幾時可以book呀？票幾多錢呀？」

放心，今季我哋繼續堅持「官方確認 x 總代理渠道 x 最快更新」，全部球會票價、區域、座位圖、比賽日程，我哋會逐場整理、核對、上載。網站每晚自動更新，但背後，其實係一堆同事，真係用人手對 Spreadsheet，一格一格Key票價、一個一個地圖搬圖。為嘅係，等你哋可以喺第一時間買到！

🏟️ 一場現場波 = 一次一生難忘嘅記憶

有睇過現場比賽嘅人都知，入場一刻，個心係點跳。你喺 Emirates Stadium 同萬幾個阿仙奴球迷一齊倒數開波，耳邊響住《North London Forever》，前排突然有個小朋友拎起 Saka 嘅球衣瘋狂大叫，你個心會同佢一齊震。

你喺 Anfield 聽住全場唱《You’ll Never Walk Alone》，音響都未播，現場已經齊晒 key；曼城 Etihad Stadium 當球證吹哨，Foden 傳俾 Haaland 一入波，成個場就爆，果下係睇電視永遠做唔到嘅感動。

Travel Mama 波飛部入面，唔少人自己都係死忠球迷，有啲每季都飛一次去睇波。所以我哋知道，你唔係只係想買到飛，而係想買到一場「值得你飛一轉」嘅波。

🕛 半夜上線？係，我哋真係半夜 Update！

今晚開始，我哋會逐場逐隊上載比賽門票詳情。依家所有同事已經入晒 spreadsheet mode，全日做 data entry，連晚餐都唔敢離開位太耐，就係想趕得切今晚上線！

唔少球迷朋友已經 message 我哋：「幾時可以book？點解未見link？」其實你見到網頁無資料，唔代表我哋未做，係做緊 😅，做緊最後 confirm，再一次過大規模放上去！

你只需要：

1. Bookmark 我哋網站球票頁面
2. Set 好鬧鐘，今晚凌晨準時 reload
3. 準備好信用卡
4. 決定好邊場係你今季必睇之選

💼 專業服務背後的堅持

過去 10 年，我哋 Travel Mama 為香港、馬來西亞、新加坡球迷安排睇波行程，唔少客人變咗朋友，年年飛、年年見，亦有唔少家庭或父子組合，第一次出國就係為咗追偶像球隊。

我哋知道，睇波係你夢想一部份，而唔係普通旅遊項目，務求你去到現場係 **準時、安心、唔使諗**。

唔好等到「早知買咗飛」，今年就同自己講：「我真係去咗！」

🕓 我哋網站見。